PERRALLA - 51. DY SHOKET

                                                            “DY SHOKET”

Na ishin nje here dy shoke qe duheshin si vellezer dhe nuk benin asgje pa biseduar me njeri-tjetrin. Nje ite prej ditesh ata u menduan dhe thane te martoheshin,edhe vendosen qe njeri te merrte gruan e vampirit dhe tjetri gruan qe ndodhej pertej detit. Dhe keshtu moren armet e u nisen. Kaluan fusha e male dhe ndaluan ne nje pyll te dendur ku po gjuante vampiri,por keta nuk e njihnin se nuk e kishin pare ndonjehere. 

Vampiri ishte nje gjigand qe te fuste friken vetem kur e shikoje,por dy shoket nuk u tremben. Vampiri i pyeti se ku po shkonin dhe ata i thane se po ndiqnin kete rruge,por ai i tha:

• • Nuk mund te kaloni nga kjo rruge pa u ndeshur me mua.

Dhe i shkoi drejte per t’i ngrene,por pastaj i erdhi keq edhe i la te shkonin ku te donin. Edhe ata moren rrugen e shkuan ne pallatin e vampirit. Te dera gjeten gruan e tij e u miqesuan,dhe i hyne aq shume ne zemer sa i dha fjalen se njerin prej tyre do ta merrte per burre. Por kjo pune nuk mund te behej pa vrare vampirin,dhe dy shoket e porositen gruan qe te pyeste vampirin qe nga i vinte forca,dhe pas tre ditesh do te ktheheshin.

Ne mbremje vampiri u kthye me drere dhe me dhi te egra qe i kishte vrare ne pyll,gruaja filloi ta merrte me te mira si asnjehere me pare dhe i thote:

• • Une te kam dashur gjithmone por ti s’me je hapur asnjehere.

• • Cfare do te dish? – e pyet vampiri.

• • Te me tregosh burimin e forces tende. – i thote gruaja.

• • He,he, – ia beri vampiri duke luajtur koken, – forca ime eshte ne oborrin e pallatit.

Te nesermen gruaja mori nje qilim te bukur dhe e shtroi te gjithe oborrin. Kur u kthye vampiri ne mbremja e pa oborrin te shtruar dhe e pyeti te shoqen:

• • Cfare ke bere keshtu?

• • Doja te nderoja forcen tende, – i tha gruaja.

Vampirit iu be qejfi dhe i tha duke qeshur:

• • Forca ime nuk eshte aty,por te pragu i deres.

Te nesermen gruaja e shtroi dhe pragun e deres,vampirit iu be qejfi edhe me shume dhe i tha:

• • Meqe po me nderon kaq shume kete here do te tregoj vertete ku e kam forcen. E shikon ate malin atje? Aty eshte nje arushe,dhe ne zemer te saj fshihet forca ime. Por mos i thuaj njeriut sepse po e vrane arushen forca ime do te shteronte ne cast.

Por gruaja nuk donte t’ia dinte dhe pas tre ditesh kur erdhen dy shoket ia tregoi te gjitha. Ata moren armet dhe shkuan ne mal. Ia prene koken arushes dhe prej saj doli nje dhelper,vrane edhe dhelpren dhe prej saj doli nje lepur,vrane edhe lepurin e prej tij dolen dy pellumba te 

bardhe. Pastaj shkuan ne pallatin e vampirit dhe kur ia keputen kokat pellumbave,fuqia e tij u zvogelua edhe ia prene koken pa mundim te madh. 

Njeri prej shokeve,ai qe ishte me i madhi,mori gruan e vampirit dhe bene dasem nje jave.

Erdhi radha te merrnin gruan tjeter,ate pertej detit. Kur arriten ne bregun e detit ngelen dhe nuk po dinin si ta kalonin. Shiko andej e shiko ketej,pane nje shpelle,ne te cilen jetonte djalli me te birin. Vune veshin te degjonin dhe i biri po i thoshte te atit:

• • A e more vesh baba? Dy shoket kishin mbytur vampirin dhe i kishin marre gruan.

• • Po,e mora vesh, – iu pergjigj djalli.

• • Ata kane ndermend te marrin edhe nusen pertej detit. Po si mund ta kalojne detin ne kembe? – i thote i biri.

• • Kalohet o bir, – ia kthen djalli, – duhet te shkojne te hija e madhe ne breg dhe do te gjejne tre gure te zinj e tre te bardhe. Nese i hedhin ne det do te formohet nje ure.

Sa here qe fliste djalli,shtonte fjalet: “Kush e degjofte dhe tregofte,u befte gure e u verbofte!”.

Por kete here harroi t’i thoshte ato fjale. Dhe keshtu dy shoket moren guret i hodhen ne det dhe u shfaq ura. Dhe pasi moren te Bukuren e Dheut qe ndodhej pertej detit u kthyen prap.

Por para se te largoheshin,djali i madh i tha te voglit qe te shkonin perseri ne shpelle se mund te degjojme ndonje gje tjeter interesante. Por ai i tha te shkonte vete dhe ai do e priste aty.

Djali shkoi dhe vuri veshin per te degjuar dhe ne ate cast i biri i thote te atit:

• • A e more vesh baba? Ata dy shoket e kishin bere uren ne det dhe e kishin marre te Bukuren e Dheut.

• • Po bir,e mora vesh. Por ata nuk e dine qe nusja ka tre gjarperinj ne bark dhe do ta mbyse te shoqin naten e pare te marteses. – dhe pasi mbaroi fjalet tha: “Kush e degjofte dhe tregofte,u befte gure e u verbofte!”

Djali u be per te vrare veten dhe u kthye te shoku. Ai e pyeti dhe ky i tha se nuk degjoi asgje.

Edhe shkuan ne fshat dhe filloi dasma,te gjithe hanin,pinin,kercenin e kendonin,vetem djali i madh rrinte mendueshem. U mendua pak dhe i tha shokut se do shkonte diku dhe do kthehej prap,ata te vazhdonin dasmen.

Dhe shkoi ne shpellen e djallit e vuri veshin te degjonte. Priti pak dhe djali foli:

• • O baba,ata dy shoket po bejne dasem dhe i vogli do te marre nuse te Bukuren e Dheut. Po si i behet qe t’i nxjerre gjarperinjte nga barku?

• • Qe te shpetosh prej tyre duhet te marresh nje pale gershere dhe te rrish gjithe naten zgjuar,qe kur te nxjerrin koken t’ia presesh nje e nga nje.

Pastaj si gjithmone shtoi fjalet: “Kush e degjofte dhe tregofte,u befte gure e u verbofte!”.

Pasi degjoi ato fjale,djali shkoi dhe festoi me gjithe te tjeret. Dhe para se cifti te futej ne dhome per te fjetur,ai i tha se do shkonte me ata ne dhome qe t’i ruante. Te gjithe filluan te talleshin por shoku u bind dhe ne fund e lejoi qe te shkonte ne dhome me ta. 

Kur nusja dhe dhendrri rane per te fjetur,ai rrinte me gershere ne dore dhe kur dolen gjarperinjte ia preu koken me radhe qe te treve.

Te nesermen ne mengjes dasmoret filluan te tallnin djalin e vogel qe ishte nxire nga fytyra. Dhe i madhi i tregoi te gjithe historine e u kthye ne gure. Ata e moren dhe e vendosen ne oborrin e shtepise. 

Brenda nje viti ata u bene me nje djale dhe nje dite e Bukura e Dheut i tha burrit qe te bente dicka per ta shpetuar vellane e madh por i nuk dinte c’te bente,dhe ajo i tha:

• • Shko nje here te shpella e djallit se mbase degjon ndonje gje.

Ai shkon ne shpelle dhe degjon djalin qe i thote te atit:

• • O baba,kaloi nje vit qe ai djali u be gur. Si mund te shpetoje dhe te ngjallet prape?

• • Duhet qe vellai i tij te marre djalin dhe t’ia prese koken siper tij. Nga gjaku i djalit ai do te ringjallet perseri. Sa mbaroi fjalen filloi te thoshte: kush e degjofte…por djali mbylli veshet dhe nuk e degjoi se cfare tha djalli ne fund. 

Ai i tregoi gruas te gjitha dhe pasi u menduan,vendosen qe ta thernin djalin.

Gruaja e mori dhe e vuri siper gurit dhe i shoqi mori thiken dhe kur i preu pak qafen,nje pike gjaku ra ne gur dhe shoku i tij u ringjall dhe i kapi doren shokut te tij para se ai t’ia priste koken djalit. 

E keshtu djali shpetoi,shoku u ngjall dhe te gjithe jetuan gjate e te gezuar.