Shqipëria (gegërisht Shqipnia, gjithashtu Shqypnia; historikisht Arbri ose Arbëria, ndërkombëtarisht Albania), zyrtarisht Republika e Shqipërisë, është shtet i pavarur në Evropën Juglindore. Shtrihet në pjesën jugperëndimore të Gadishullit Ballkanik dhe kufizohet në veriperëndim me Malin e Zi, në verilindje me Kosovën, në lindje me Maqedoninë e Veriut dhe në jug me Greqinë. Në perëndim laget me detet Adriatik dhe Jon dhe ndodhet vetëm 78 km larg Italisë përgjatë ngushtesës (kanalit) së Otrantos, 72 km i gjerë. Shqipëria ka një sipërfaqe prej 28,748 km² dhe rreth 2,9 milion banorë.

Trashëgimtare e qytetërimit të lashtë ilir, Shqipëria ka shënuar një përparim të dukshëm ekonomik, shoqëror e kulturor pas shekujsh prapambetje nën Perandorinë Osmane dhe në regjime diktatoriale gjatë shek. XX. Pas rënies së rendit komunist më 1991, Shqipëria ka përjetuar një periudhë kalimtare të vështirë drejt demokracisë së lirë dhe ekonomisë së tregut. Prej vitit 2009, Shqipëria është anëtare e NATO-s dhe aplikante për kandidate për anëtarësim në Bashkimin Evropian. Shqipëria është dëshmuar faktor i rëndësishëm në ruajtjen e qëndrueshmërisë rajonale, duke mbështetur pavarësinë e Kosovës dhe zgjidhjen e mosmarrëveshjeve politike në Ballkan. Ndërkaq, shteti shqiptar po gëzon përmirësim e zhvillim të turizmit; po ashtu, mban vendin e 25-të në botë për mirëmbajtjen e mjedisit.

Shqipëria është zgjedhur një nga vendet më të mira për të kaluar pushimet në vitin 2011 nga disa gazeta të njohura.

Republika e Shqipërisë
Flamuri Stema
MotojaTi Shqipëri më jep nder më jep emrin shqiptar.
Himni: Himni i Flamurit
Kryeqyteti dhe qyteti më i madh	Tirana
Gjuhët zyrtare	Shqip
Feja	Islami, Krishtërimi
Anëtarësia	OKB, Këshilli i Evropës, NATO, OSBE dhe Organizata e Bashkëpunimit Islam
Forma e qeverisjes	Republikë parlamentare
Themelimi	28 nëntor 1912 nga Perandoria Osmane
• Festa kombëtare	28 nëntor
Sipërfaqja
• Total	28,748 km2 (11,100 sq mi)
• Sipëfaqja tokësore	139 km2 (54 sq mi)
• Sipërfaqja ujore	4.7 km2 (1.8 sq mi)
Popullsia
• 2015 përafërsisht	2.893.005[1]
• Dendësia	105/km2 (271.9/sq mi)
PBB (PFB)	2015 estimate
• Per capita	40.000.000 miliardë USD
PBB (nominal)	estimate
• Total	15.000.000 miliardë USD
Valuta	Lek
Zona kohore	UTC+1
• Verës	UTCUTC+2
Calling code	+355
ISO 3166 code	AL, ALB, 008
Kodi i internetit TLD	.al